مولانا الشيخ: أصله ألف با تا ثا نزل أطوار أطوار، بتاع سيدنا عيسي نزل أبجد، يعني يوريك الحرف وعدده، خلاص؟ بتاع أبونا آدم جه بالأعداد: أيقغ بكر جلش دمت كده، بتاع سيدنا عيسي عشان زمنه زمن طب ألف با تا ثا ذاته لكن جه بـ أبجد هوز حط، يوريك الحرف وعدده، مرات بيطلعوا الأعداد من الكيفية بتاع الاسم، مثلا الاسم (الله)، الألف بواحد، اللام بثلاتين، اللام التاني بتلاتين، الها بستة مش 66، بيطلعوه من سقط العدد، ده واحد، مرات بيكون العدد زى التذكرة، واحد قطع التذكرة قال ماشي مدني، لو قلنا التذكرة بجنيه، زود 5 قروش راح يوديه مارنجان (1 - مدينة جنوب مدني)، نقص 5 قروش ينزله في طيبة (2 - مدينة شمال مدني)، لازم يكون جنيه بس، بالظبط التذكرة، فلذلك بالتخيل ما ينفع، بالقياس ما بينفع. السائل: يعني العدد مبني علم بتاع الأعداد يا عم الشيخ؟ مولانا الشيخ: إما بتاع الأعداد أو محطات السفر. السائل: بالنسبة للتطويق كيف يا عم الشيخ الاسم 6666، يعني الواحد ممكن لغاية عشرة؟ مولانا الشيخ: ايوه أيوه، لغاية 100، لغاية 1000. السائل: لغاية 100 في الحالة دي مش ممكن الناس تطوقه يا عم الشيخ؟ مولانا الشيخ: ما نفس العدد الطوقته. السائل: آي يا عم الشيخ/ إطلاق مع. . . . . مولانا الشيخ: مادمت أنت في موطن "الإسلام عباداتك كلها تقليدية، لمن تروح في الإطلاق عباداتك كلها إطلاق، العبادة في موطن الإسلام كلها مقيدة، في الحقيقة" كلها مطلقة, مادمت أنت مقيد تكون مقيد، إذا أطلقوك كمان تدعي الإطلاق. السائل: ما في أي سير يا عم الشيخ غير الأوراد مأخوذة بصحيحها من النبي - صلى الله عليه وسلم , ما في أي سير تاني؟ مولانا الشيخ: ما في.
1. 2 معني {فسيحوا في الأرض} (3 - التوبة 2) السائل: بالنسبة للسياحة، السياحة {فسيحوا في الأرض} , معني فسيحوا في الأرض؟ مولانا الشيخ: ديل ما اليهود، ديل ما اليهود مالك ومالهم؟