السائل: هنا بيعترضوا الناس، وبيعترضوا علي المشايخ كمان وبيقولوا ليه ما ناخد من الأذكار اللي هي المأثور، الأذكار اللي بيعملوها المشايخ والأعداد اللي بيعملوها دي بيعملوها براهم، نحن قلنا ليهم بيأخذوها بإذن من النبي عليه الصلاة والسلام، هم معترضين في الكلام ده ختالص، قالوا ممكن أي زول يقول أنا شفته النبي في المنام قال لي اعمل كده. مولانا الشيخ: شيء عجيب. السائل: القياس كيف يا عم الشيخ؟ مولانا الشيخ: شيء عجيب، واحد يكذب علي النبي وهو عاقل ومسلم، ما في زي ده، لكن هل رؤية النبي جايز يقظة؟ رؤية النبي جايز منام؟ رؤية النبي جايز؟ الأخذ منه جايز؟ ده كله وارد، ما بيحتاج لهناي. السائل: ما ده جايز يا عم الشيخ لكن القانون اللي بيربط بيه يعني الكلام ده صح ولا غلط كيف؟ مولانا الشيخ: لا لا لأ، ما نقدر نقول كده، دول هما عشان قلبهم مليان غل ونفاق بيتهموا الناس، أنا لما أقول لك أنا شفت النبي هاستفيد إيه لمن أكلمك؟ وأنت لمن تكذب تستفيد إيه؟ السائل (معلقا): الشيء إذا كانوا بيقيسوا بالشريعة تمام، إذا ما خالف الشريعة خلاص.