لقي واحدة عجوزة قالت ليه كده، لقي واحد تاني وتالت أخيرا لغاية ما راح للملك، قال للملك: انتوا متأكدين من العلم ده؟ قال له أيوه، قال له أين جبريل؟ أرسل روحه لغاية الكرسي روحه هو الزول ذاته، ما لقاه قال ليه ما لقيت سيدنا جبريل في محله، قال له فتش عليه، فتش بروحه قال له في الأرض قال له فتش عليه، فتش عليه قال له أنت جبريل، بس ده اختفي، مشي علم سيدنا يونس لمن هو قاعد تحت القرعة علم الأرواح وجاهم تاني.
4. 5 تسبيح المخلوقات غير الجن والإنس السائل: عم الشيخ، كل حي من الطيور يا عم الشيخ ليها اسم بتسبح بيه؟ مولانا الشيخ: لأ، بيسبحوا بس. السائل: تسبيح بس؟ مولانا الشيخ: آه. السائل: ما باسم معين؟ مولانا الشيخ: وقد يكون في اسم معين مش عارفين {ولكن لا تفقهون تسبيحهم} (1) [الإسراء 44]. السائل: مولانا الإشارة دائما تكون للحاجة الكويسة؟ مولانا الشيخ: أيوه اللي أنت ما لاقيه. السائل: بعدين فيه هنا ربنا قال {فبشرهم بعذاب أليم} (2) [آل عمران 21، الانشقاق 24]؟ مولانا الشيخ: لا في التبكيت (3) [من أصناف الخطاب الإلهي] ده، أهو ده كمان يخليني نعمل شكلة، مش بشري، أكد ليهم إن جايهم مصيبة. السائل: يا مولانا بالنسبة لتلاوة القرآن، في كل الأوقات ولا؟ مولانا الشيخ: ما بيلزم ما بيلزم عند تلاوة القرآن بعد صلاة الضهر أو في أي وقت، بعد الصبح النبي عليه الصلاة والسلام يقول: تعملوا الأوراد {من صلي الصبح في جماعة وجلس يذكر الله حتى تطلع الشمس وصلي ركعتين كانت له كحجة وعمرة تامتين تامتين} (4) [في معني الحديث (الطبراني في المعجم الأوسط)] بعد الصبح أوراد، هسع. . . . الساعة تلاتة مين يقدر. . . . الساعة تلاتة؟ السائل: مؤكد ليهم ده بعد الفجر يا عم الشيخ، مؤكد ليهم ده بعد الفجر، لأنه يقول ليك الصوت عالي؟