مولانا الشيخ: ما في أكبر من المهدي من الأولياء، المهدية بيقوم مرتبة سيدنا عثمان، إذا واحد من المرتبة ده زى 3، 4 برضه من المرتبة ده، المهدجية ما بيقوم إلا لضعف الشريعة، أصلا سبب لزومه، ينظموا الشريعة، بعدين بيعاهدوا الأولياء يا يخدم معاه واللي ما يخدم معاه علي كيفه يا يطلع م البلد إذا حصل ليه أي حاجة هم ما مسئولين منه، لكن شغله في الشريعة بس. السائل: طيب يا عم الشيخ بيكونوا كتار الصوفية، في فترات الواحد لمن يجي. . . . في التاريخ بتاع السودان هنا مثلا، يجي في فترات ممكن تجد عدد كبير جدا من الأولياء ظاهرين كبار، وفي فترات يكونوا بساط، فترات يكونوا قليلين، الحكاية دي برضه، زى حكاية، نتيجة لضعف الشريعة وكده ولا الموضوع مختلف. مولانا الشيخ: لا لأ، زمننا ما سببه حرب طاحن، زمننا ما سببه حرب طاحن، مش كده؟ السائل (معلقا): طبعا. مولانا الشيخ: اللي هو بتاع الألمان، بعدين في الحرب ده اتخذوا كتيرين من الدول، وعادة الطرق بينتسب لما يكون الزمن معتدل كل طريقة تمثل دولة، وبعدين لمان يقوم حرب كبير بالشكل ده عند كل الناس، بيتلخبط الموضوع، لما يتلخبط الموضوع لغاية ما ينظموه ما يكونش فيه نظام، والمصيبة الكبير كل ما يموت ولي ما بيعينوا بدله واحد، وجود الأولياء رحمة، الزمن ملخبط عشان الأولياء بقوا بسيطين قليلين قليلين قليلين خالص خالص، في إمكانك تقول دلوقت الديوان كله شغالين بالمجاذيب والأقطاب الأربعة، ما بيتموا ما بيترتق (1 يضاف إليه، يكمل)، وإذا واحد وراك أول الحبل في إمكانك تفهم الكتير براك. 6. 1 معني {ألم تر إلي ربك كيف مد الظل} السائل (معلقا):. . . . ممكن تورينا تفسير الآية {ألم تر}، الآية {ألم تر إلي ربك كيف مد الظل} [الفرقان 45] الآية دي ممكن تتسجل. مولانا الشيخ: تتسجل. السائل: الآية دي والسقط بتاعه ممكن يتسجل يا عم الشيخ؟