مولانا الشيخ: دخلوه في الجامع، دفن النبي عليه الصلاة والسلام في بيت السيدة عائشة، دوغرى؟ السيدة عائشة كانت شافت رؤية قبل سنتين تلاتة، شرحت الرؤية للنبى، النبي أبى يفسر ليها، شرحته لسيدنا أبو بكر، أبى يفسرليها، دفنوا النبي في بيت السيدة عائشة، ظاهر؟ سيدنا أبو بكر هو، كانت شافت إيه؟ قمرة وتلات نجوم سقطوا في حجرها، قمرة وتلاتة نجوم سقطوا في حجرها، لما اندفن النبي جه طالعين سيدنا أبو بكر قال ليها: ده القمر يا عائشة، ده إيه؟ القمرة، سيدنا أبى بكر بقى في السكرات، قالوا له: نجيب لك الطبيب قال لهم الطبيب; أمرضنى، جيبوا عائشة، جابوا عائشة، قال لها يابنتى أنا ماعندى حاجة غير النخلات اللى انتى عارفاهم، خدى النخلات ديل وخلينى أندفن جنب رجلين النبي، بكت وفاتت، دفنوه، سيدنا عمر وهو طالع قال لها: ده النجم، النجم اللى الجنب القمر ة، لمن سيدنا عمر طُعِن قالوا نجيب لك الطبيب؟ قال: امشوا جيبوا لى عائشة، يا عائشة انا ما عندى غير البيت ده، خدى نصه وخلينى أندفن جنب رجلين سيدنا أبو بكر، أنا ما بقدر أفارقه جماعتى، دفنوا سيدنا عمر، سيدنا على قال ليهُ: المحل ده بتاع سيدنا عيسى، لا يدفن فيه زول، 37 أخرجه الامام أ؛ مد في مسند هو جاء في كنوز الحقائق للإمام المناوى برواية (مابين بيتى ومنبرى روضة من رياض الجنة) ديل النجمين وده القمر، محل سيدنا عيسى واقف لغاية النهارده ولولا كده كانوا دفنوا سيدنا عثمان كمان. السائل: واضح ياعم الشيخ، واضح ياعم الشيخ، فاكرتها حاجة ساى 38. مولانا الشيخ: كل الصحابة ال 124 ألف صلوا في الجامع ده وكل الرؤساء والأئمة ولغاية الليلة. السائل: ...... صلى الله عليه وسلم قصة الميت بينفع الحى، والحى بينفع الميت دى عايزة توضيح؟