مولانا الشيخ، لا، بتاع سيدنا عيسى برضه توفي {إِنِّي مُتَوَفِّيكَ وَرَافِعُكَ إِلَيَّ} بتاع سيدنا عيسى وفاء من عهد. السائل (معلقاً): وفاء من عهد؟ مولانا الشيخ: أيوه، ده وفاء من عهد بشرط القتل. السائل: كل حاجة في الأوراد يتمثل حاجة بالنسبة للجهاد، الاسم الإلهي بيمثل السيف؟ مولانا الشيخ: الاسم الإلهي يمثل السيف، ويمثل النصر، والمروة، النجدة يعني. السائل: في الحزب السيفي مثلاً وبقية الأوراد مثلاً؟ مولانا الشيخ: مش لابد من درع؟ الحزب السيفي الدرع، لابد من حصان؟ الهمة الحصان. السائل (معلقاً): كل حاجة لها مضاهاه. سائل آخر: الهمة بمعني الغيرة على الطريقة؟ مولانا الشيخ: لا. السائل (معلقاً): أمال بمعني إيه. مولانا الشيخ: علو الهمة من الإيمان. السائل: يعني إيه الهمة دي يا عم الشيخ؟ تفسيرها شوية؟ مولانا الشيخ: الهمة يعني الشجاعة. سائل (معلقاً): الشجاعة في الحق؟ سائل آخر: الشجاعة في إيه يا عم الشيخ. مولانا الشيخ: الشجاعة، ما أنت نازل في حرب، لازم تكون شجاع. السائل (معلقاً): يبقي شجاع بإيه، يبقي شجاع إزاى بإيه؟ مولانا الشيخ: شجاع ضد نفسك. السائل: ضد النفس؟ مولانا الشيخ: آه. السائل (معلقاً): يعني مش شجاع ضد الناس مثلاً؟ سائل آخر: إيه الى يخليني شجاع مولانا الشيخ: هي النفس إن ألقت هواها تضاعفت ... قواها وأعطت فعلها كل ذرة فطاح وجودي في شهودي وبنت عن ... وجود شهودي ماحيا غير مثبت ولا غرو أن صلى الإمام إلى إذ ... سوت في فؤادي وهي قبلة قبلتي السائل: كل ده يتأتي إزاي؟ كل ده يجي إزاي؟ سائل آخر: يا مولانا الحرب يا مولان، الحرب بالاسم (الله)؟ مولانا الشيخ: أيوه، والنصر من. السائل (مقاطعاً): الغوث بيستعمل الاسم الأعظم؟ مولانا الشيخ: الغوث، أيوه.