السائل (معلقًا):فراحت شحتت آل البيت كلهم وراحوا للدكاترة والتحاليل وقالوا عملية ما فيهاش فايدة، يعني بالعملية يمكن شهرين ومن غير عملية قبل كده بس فأنا قلت لهم أنتوا ليه بتروحوا بعيد ما عندنا منديل عم الشيخ، هي محبة جدا وعقيدتها حلوة، والله، خدت حطت المنديل فضل الورم يطرى يطرايطرى لغاية ما ... خالص وبعدين حامل دلوقتى وهي بتشحت بقى الولادة. مولانا الشيخ: ما شاء الله. السائل (معلقًا):تسع شهور دلوقتى وعايزة عم الشيخ يديها فاتحة بقى، الفاتحة. مولانا الشيخ: يا مولانا الحسين، يا مولانا الحسين، يا مولانا الحسين. السائل (معلقا): والله يا عم الشيخ احنا في نعمة كبيرة قوي يا عم الشيخ، فضلك على الكل والله كبير قوي يا عم الشيخ، آى والله. مولانا الشيخ: شيء لله سيدي إبراهيم. السائل: ما هو الرقيم في قصة الكهف والرقيم، بعد ما عرفنا قصة أصحاب الكهف؟ مولانا الشيخ: أصحاب الكهف معروفين، سؤال غريب بيحير الواحد. السائل (معلقا): ازاي يا عم الشيخ. مولانا الشيخ: سؤال غريب ما حد سأل الشغلة دي. السائل (معلقا): الرقيم، ده أنا اللي باسأله، جمال قال لي ابقى اسألي عم الشيخ. مولانا الشيخ: فيه ملك في آخر زمن الإسرائيليين، زمن الأقباط يعني، ملك جبار خالص، فيه واحد راهب بيعبد، مدس وبيعبد الراهب ده، في الشام، بعدين الراهب ده، الملك عنده ولد، الملك عنده كاهن، الكاهن ده بيعمل طبعا أشغال الكهنة، يتكلم بالمغيبات وبالحوادث وكذا وكذا كاهن، الملك عنده ولد، قال للولد ده امشي اتعلم الكهانة من الكاهن، الولد ده يمشي للكاهن مرة وللقسيس مرة، الراهب مرة، يمشي للكاهن مرة وللراهب مرة، يمشي للكاهن مرة، ماشي كويس؟ للكاهن مرة وللراهب مرة، للراهب مرة، استمر كتير الولد، الولد. السائل (معلقا): على الحال ده.