مولانا الشيخ: سيدنا موسى لمن اتصفت له الزمن طلب من ربنا أنه يعني يتفضل على الإسرائيليين بسماع الخطاب الإلي، قال له: طيب روح نقي سبعين نفر، نقي من أمتك سبعين نفر بشرط مايكونش فيه واحد عنده معصية، جه نقي سبعين، نقصوا اتنين، واحد صرمالى قال له: يا رسول الله أنا عندي ذنب واحد إذا ربنا سامحني أنا بامشي معاك، أنا بامش معاك قال له: ذنبك شنو؟ قال له: أنا كنت باخيط الجزم كده جت بنت جميلة العين دى من غير أنا ما اقصد عاينت ها كده أنا دخلت المخرز قلعته، سيدنا موسي ناجي ربنا قال ليه: قبلته خليته يجي، برضه ناقص واحد، جه سيدنا الخضر قال له: يا رسول الله أنا ما لى صحبة معاك وده فضل كبير وانت ما لقيت سوقني معك قال: طيب ياللا، مشوا وقفوا سمعوا الخطاب الإلهي، خلاص؟ ديل ساداتنا الرؤساء وضحوهم وعملوهم توسل أن المطر ما يكون في بيقرؤوه عشان يترل المطر، واضح؟ نظموه، يقولوا: ربي سألتك بالمختار قدوتنا وأهله الغر مع أصحابه الفقرا وبعد فاختار موسى فرقة وسما عليهم نسمات اللطف يتصلا يحصيهم العد اجمالا إذا لم ترد به الدليل أتي بالذكر مشتملا قال: دندانه، دادانه، بهنسا، غورا ثم بوعبنا وبليا ونساء عليك مني، سبعين نفر كده. السائل: جنسه ده اسم واحد منهم يا عم الشيخ؟ مولانا الشيخ: أيوه، ودسوق كمان وشاذلا أيوه كمان. السائل: اسمه داسوق؟ مولانا الشيخ: أيوه داسوق عليك مني. السائل: إنما .... إيه يا عم الشيخ، الرجل ده طيب لما س يدنا موسى قال: {لَوْ شِئْتَ أَهْلَكْتَهُمْ مِنْ قَبْلُ} (178) [الأعراف: 155] إيه قصة الراجل ده؟ مولانا الشيخ: لا ده قصة السامري، ده موضوع السامري، أنت ما سألته عن أصحاب موسي يا وسخ؟ ده أصحاب موسي، مش سأل عن أصحاب موسي هوه؟ وأنا وضحت ليك بعربي وبربري وإنجليزي و كمان ده ما نافع؟