مولانا الشيخ: لا ده، حكموا بالتعدد يعنى؟ هسّه ديل كم نفر؟ ما يكونوش 30، 40 نفر؟ السائل (معلقاً): نعم ... مولانا الشيخ: مش كده، إنت فيك الله؟ مع الله؟ عند الله؟ مصاحبك؟ الله فيك؟ برا منه إنت؟ معاك؟ عنده؟ هو عندك؟ اللى ما بيعرف ويقول الرووب أنا ما عارف، ويسكت. السائل: يعنى صاير خلط فى الموضوع كثير؟ مولانا الشيخ: جداً، جداً، كيف الذات تتجزأ إزاى؟ كلمة النصارى أحسن منهم، كلمة النصارى، مش قالوا عيسى ابن الله؟ ده أحسن، عشان الله براه وابنه براه، ما فهمتوا؟ النصارى قالوا إيه؟ قالوا ربنا تزوج السيدة مريم، ظاهر؟ ولدت منه سيدنا عيسى، سيدنا عيسى قالوا ابن الله، مش كده؟ الفلاسفة بيقولوا الله هو الوجود ده؟ السائل: آه هو عين الوجود؟ مولانا الشيخ: هسّه ده الله؟ فى ذمتك ده منديل ولاّ الله؟ ده شنو؟ السائل (معلقاً): منديل ... مولانا الشيخ: ما ممكن أبداً، ده أكعب من كلمة النصارى، أحسن يصلّحوا معلومهم، هم تثليثين، هم تثليثين، تثليث بتاع النصار كُفر صِرف، عشان قالوا إن الله ثالث ثلاثة، ظاهر؟ المسلمين قالوا لهم ده ولد السيدة مريم، طولها وعرضها معروف، ده سيدنا عيسى طول وعرضاً، جنوا، طبعاً، معرف، ده سيدنا جبريل طول وعرضاً معروف، قالوا واحد من ديل هو الله، لّمن نقول الله هى مريم، فين مريم؟ لّمن نقول الله هو عيسى، فين عيسى؟ لّمن نقول الله هو جبريل، فين جبريل؟ فلذلك لَقَدْ كَفَرَ الَّذِينَ قَالُوا إِنَّ اللَّهَ ثَالِثُ ثَلَاثَةٍ المائدة 73 واضح؟ فيه تثليث بتاع المسلمين، التثليث بتاع المسلمين مَا يَكُونُ مِنْ نَجْوَى ثَلَاثَةٍ إِلَّا هُوَ رَابِعُهُمْ المجادلة (7) مش واحد منهم، معاهم، من باب المعية، رابع، مش واضح؟ السائل: يعنى معاهم بالقلب؟ مولانا الشيخ: لا ما بالقلب. السائل: بالذات؟