مولانا الشيخ: بس الآية دى، نقرا الحزب مرة واحدة، مرة واحدة نكرر الآية دى العدد ده، بعدين قريناه، شلت الورقة جيت قعدت، عادة كانوا – إنت ما كنت قاعد فى الدرس – مفتش وغلبة كبيرة جداً، كانوا يمروا بالبلد، كل يوم الجمعة ولاّ كل يوم السبت، حاجة زى كده، جيت وقفت فى .... ، هُمَّ جوه فايتين، إتلَفت كده، إتلَفت كده، قال: شيخ، أهلاً جناب المفتش، إنت مش عربى؟ أيوة أنا عربى، ما بتعرف الكرم؟ ليه ما تقول لينا اتفضل، اتفضل جناب المفتش، جبت ليه كرسى قعد، جبت ليه جَبَنَه، شرب الجَبَنَه وقام فات، خلّيته، جه فى المرور التانى برضه قال: شيخ، شيخ إنت ما عربى؟ أنا عربى جناب المفتش، ليه ما تقول اتفضل؟ اتفضل جناب المفتش، فى المرور التالت إنت مش كنت طالب رخصة عشان فرن؟ قلت ليه: أيوه، قال: تيجى فى المكتب، واحد مجذوب فضل يعاكسنا، بيجى فى الفرن يعاكسنا، برضه قمت عملت ورقة زى ده، كتبت اسمه، قرينا (ورد الله الذين كفروا بغيظهم لم ينالوا خيراً وكفى الله المؤمنين القتال وكان الله قوياً عزيزاً). السائل: كتبت ليه كده على الورقة؟