مولانا الشيخ: لا، مطلق الأسماء، موطن القدرة كلها يعنى، موطن القدرة كلها، فبيمثّل لنا بالإيدين كناية، أصالةً القادر مش ده الإسم الأول لله، موطن القدرة إيه؟ مش القادر؟ مش كده؟ القادر يعنى إيه؟ القادر على فعل الشئ بس، اللاشئ القدرة مابتسلّطش عليه، فـ إِنَّ اللَّهَ عَلَى كُلِّ شَيْءٍ قَدِيرٌ45 النور، مش على موطن الشيئية بس، اللاشئ القدرة ما يعمل فيه حاجة، ظاهر؟ إيه معنى القادر من شغله إيجاد الممكن أو تركه، الغير ممكن مش ممكن، يعنى لّمن نقول لك ربنا قادر يا فلان؟ أيوة قادر، قادر يخلق إله زيه؟ ده مش من شغل القدرة، ما هنا، ما بيتعلقش القدرة، ربنا قادر يا أخينا؟ أيوة، قادر يدخلنى فى بطن أمى؟ أنا أطول من أمى وأسمن، يدخلنى فى بطن أمى إزاى، ده مش من شغل القدرة، زى قوله تعالى لَا يَدْخُلُونَ الْجَنَّةَ حَتَّى يَلِجَ الْجَمَلُ فِي سَمِّ الْخِيَاطِ40 الأعراف، ده مستحيل، مش كده؟ هب إنه مثلاً واحد مكشكش زى فاروق قال عاوزين نعمل إبرة كبيرة زى الكوبرى، مش تلاتين جمل راح يفوتوا فيه، نقول له يا وسخ يخيّطوا بيه إيه ده؟ إزيّك يا فاروق، خلاص؟ إحنا عاوزين إبرة إعتيادية يخيّطوا بيه الهدوم، عاوزين ندّخل جمل فى إبرة، مش ممكن، حصل نقاش مابين سيدنا معاوية وملك الروم، كتب له جواب بيقول له، يسأله عن الشئ وعن اللاشئ، إذا عدم الإجابة يعتبر ده إعلان حرب، سيدنا معاوية ماعندوش علم كتير زى ده، كتب الجواب إلى على بن أبى طالب، أخبرنا عن الشئ واللاشئ ولعدم الإجابة إعلان حرب، مضى تحته، معاوية بن أبى سفيان، وقال للمرسال لّمن تروح لسيدنا على إشترى جمل من السوق وإدّيه له هدية، سيدنا على ما بيفوت عليه حاجة أصله، بعدين إدّى له الجواب، وقال له الجمل ده إيه؟ قالوا أدّى لك الجمل ده هدية، فهم إنه ده مش كلامه، اللى بيهديك مابيحاربكش، بعدين قال لسيدنا الحسن سوق الجمل ده ودّيه الصدقة، ودّاه، قال له سوق الراجل ده إمشى