مولانا الشيخ: ايوة، أحسن من الفتح وأحسن من التنوير وأحسن من الكرامات وأحسن من سجم حبوبتك وكل حاجة، ما واضح؟ السائل (معلقاً): واضح. مولانا الشيخ: أيوة، عشان جايز أنا أهدى فاروق، فاروق ده بيكون يهدى مليون نفر وربنا يدّينى حسنات بقدر ماهو يعمل وجماعته يعملوا، من غير ما ينقص من أجورهم حاجة، وده لواء الخدمة بتاع النبى عليه الصلاة والسلام ده الوراثة النبوية اللى ما بيدّوه لكل الناس ربنا جل وعلا يدّى الدنيا للى عاوزه واللى ما عايزه، الدين ما يدّيه إلا اللى هو بيحبه، تانى شنو؟ السائل: يعنى ترتيب الأوراد بالنسبة للإخوان السالكين ندّيهم أول كل شئ الأساس؟ مولانا الشيخ: زى ما مكتوب عندكم فى الـ. السائل (معلقاً): أيوة زى ما مكتوب. مولانا الشيخ: أيوة، بس الصلاة الذاتية انتبهوا له، زوّدوه عشان يكون عندكم محبة كتير كلكم. السائل: 70، 210؟ مولانا الشيخ: أيوة 70 أو 210. السائل: فيه شى توصية يا عم الشيخ نوصى الإخوان بها؟ مولانا الشيخ: لا، لا، بس جدعوا لينا واجتهدوا فى أوراداتكم واجتمعوا كتير، الإجتماع مع الإخوان فيه فوايد كتيرة جداً زى مابيقولوا الرؤسا: ولا عيش إلا مع أناس قلوبهم ... نحن إلى التقوى وترتاح للذكر قدر ما تجتمعوا مع بعض كتير المدد بيحصل عشان ده اجتماع فى الله. السائل: إذاً المراقبة الجماعية مطلوبة؟ مولانا الشيخ: لالالا اختيارية، أيوة، أحسن يكون إجماعية. السائل: أحسن يكون جماعية؟ مولانا الشيخ: أيوة، إذا ما ممكن ما ممكن مش ضرورية. السائل: ولو بالأسبوع مرة؟ مولانا الشيخ: ولو فى الشهر مرة ما ضرورى إذا ساهل ساهل، ما سهل كل واحد يعمل لوحده.
(الوجه الثانى)