الجواب : لا ـ تزهد فيما غير العبادة . وكيف تغتر وهي العبادة وأثرها أصلاً ينظف مش يوسخ يعني غرور . وأنت لو عرفت أنك راح تموت وراح يحاسبوك ما حتعمل إلا اللي سينفع قدام ـ واحنا دلوقت عاوزين اللي راح ينفع قدام ـ أصلاً الدنيا ساعتين يا ساعة فاتت يا ساعة جاية أو الساعة اللي أنت فيها الجاية مش حتعرف ستجئ كيف واللي فاتت مش ممكن تعود يبقى تجتهد في الدقيقة اللي أنت عايشها الآن ( يا مريد الذات . عمر الأوقات . واترك الراحات . واطلب اللمعات ) . سؤال : ما هي الأشياء اللي تعطل الأوراد ؟ الجواب : الونسة فقط ـ والأكل والشرب والشغل كل ده ما يضيع وقت الأوراد . سؤال : طيب يا عم الشيخ لو واحد من الإخوان جاي بحاجة خاصة للطريقة أو بمشكلة أو موضوع وقاعد معايا . يكون ده إيه ؟ الجواب : لا ـ بتاع الطريقة ده عبادة . سؤال : لو مجموعة من الإخوان مثلاً قاعدين في الزاوية شغال في الموضوع من الأنس والانشراح لكن يلقى مسافة كبيرة ضاعت من الزمن ؟ الجواب : دي أيضاً عبادة ـ مقابلة الإخوان هي مقابلة في الله وعلشان كده ينزل المدد و السكينة . سؤال : طيب ونسة الأولاد والزوجة ؟ الجواب : لا ـ ده ما فيه فائدة . ( فائدة ) يقرأ سورة الزلزلة 7 أو 70 وفي كل مرة ( أشتاتاً ) 7 مرات علشان عمار البيت ( الجن الساكنين ) إذا ضربوا الواحد في البيت أو عملوا لخبطة أو وقعوا حاجة يقرأ كده على الساكت أو سوا على ميه . سؤال : لو واحد ظهر عليه عارض بعد ما قرأ الأوراد ما الحل ؟ الجواب : يبطل أوراده كلها ويقرأ آية الكرسي على قدر ما يقدر ـ وممكن علاجه بالبخرات وفي الحالة الأخيرة دي لابد تأخذ منه قروش علشان تنفع البخرات . سؤال : هل هناك عدد معين من القراءة للقسم علشان العلاج ؟ الجواب : لا ـ ده يرجع على حسب قوة الإنسان في القراءة مش بالعدد ( يعني واحد يكون مواظب عليه 70 مرة ) سنتين أو ثلاثة . سؤال : ما هو مقدار المصيبة أو الذنب عند المشايخ ؟