سؤال : والقدام المحبوسين دول قصتهم إيه ؟ الجواب : ولا حاجة يجتهدوا عادي ويصادف أن واحد من دول يعطي الطريقة لواحد جديد طوالي يتنور والموضوع ده بيعمل لخبطة . والقديم مش عارف أن المشايخ نوروا الجديد ده علشان خاطره . سؤال : هل المرشد اللي أعطى ناس بيكون له حق عليهم ؟ ولاَّ الكرم أصلاً من المشايخ ؟ الجواب : طبعاً له عليهم حق . وكان فين كرم المشايخ من زمان ما جالهم ليه . سؤال : هل الفتح يحصل مرة واحدة ولاَّ شوية شوية ؟ الجواب : سيدي إبراهيم ما حد يقدر يعرفه ـ ودي حاجة ما ينفع التفكير أو التدبير . هل وجود ربنا جل وعلا ينفع بالتفكير ؟ لا ـ وكمان نقدر نقول أنه زي الأجل ما حد يقدر يعرف أجله ـ وكثرة الكلام في الموضوع ده تزعل سيدي إبراهيم ـ هو قال لي : الدين ده بتاعنا ولاَّ بتاعكم ؟ قلت له : بتاعكم ، والتدبير بتاعنا ولاَّ بتاعكم ؟ ـ لا بتاعكم ـ طيب ما احنا عارفين أكثر منكم وأعلم منكم وأشطر منكم ودي حاجتنا وده شغلنا احنا بنسويها على كيفنا أنتوا مالكم . سؤال : احنا يا مولانا ساعات يكون الحق ظاهر بالنسبة لنا . لكن أهل الباطل يزودوها خالص ؟ الجواب : خليهم ـ اقرأوا لهم حاجة . الواحد يزعل لما يأخذوا منه حقه ـ أنت يدوك حقك وكمان يزودوك ليه زعلان ؟ زينا ما في حد في الظروف الحالية ما أحد يشبهنا لا في الأوراد ولا في الإرشاد ولا أي حاجة . لما النبي صلى الله عليه وسلم يقول حديث ( قراءة الصمدية 11 مرة ) ( وفي رواية 13 مرة ) يبني الله له قصراً في الجنة . طيب اللي يقرأها 11 أو 13 مرة مش معناه أن ربنا يبني له قصراً في الجنة حيقعد فيه ولاَّ سيتركه ويروح النار ـ مش معقول ـ طيب اللي بيقرأ الصمدية 1117 مرة يخاف ليه . زي ما النبي صلى الله عليه وسلم يقول ( من صام يوم عرفه غفرت له ذنوب سنتين سنة ماضية وسنة آتية ) معنى كده أن اللي يصوم يوم عرفه سوف يعيش سنة مقبلة .