ويتلخص كل ما سبق فى قول مولانا السديد للأمه، بأنه يجب على الوعاظ والدعاة أن يتفقهوا بفقه النص واستيعاب العقل له، وليس تطويع النص لمنطق العقل. وكما قال امامنا فخر الدين رضي الله عنه: البعض بالقرآن ضل وما اهتدى ضل الطريق وباء بالخسران وأيضاً قوله رضي الله عنه: فان صراطى مستقيم وتابعى على أثرى يسعى اذا الناس ضلّت فحقاً سكن الفؤاد فعش هنيئاً يا جسد هذا النعيم هو المقيم للأبد فهل لنا أعظم مما نحن فيه من هدى ونعيم! فلنشكر المولى على هُدانا ولأنه عفانا من ابتلاء غيرنا، وندعوه بأن يعرفنا وجميع اخواننا - وليس بعضنا - مسلك الحب, حتى تحوى قلوبنا الواحد صاحب الشهود والمشاهدة الشاهد على قلوبنا. < http://almagalla.info/2011/dec9.htm#1>
فاطمة الزهراء
إزاى نسأل الله؟
لأ ... مش فاهم، بهذه الكلمات بدأت حديثى معه عندما قابلته بعد فترة من لقاءنا السابق، فقال: تانى؟ هو مفيش حد غيرى؟ قلت: ربنا إبتلاك بى، فاصبر إن الله مع الصابرين، أنا مش عارف أربط بين الإستعانة وحفظ الله. كيف أربط بينهما؟ نظر إلىّ ثم قال: إحنا المرة اللى فاتت وقفنا بالكلام فين؟ قلت: عند سيدنا موسى عليه السلام وقلت كلام كتير، وآخر حاجة قلتها: ماتركبش راسك، ومشيت وأنا مش فاهم حاجة. فسكت قليلاً ثم قال: فى سورة البقرة، سيدنا موسى عليه السلام أمر بنى إسرائيل أن يذبحوا بقرة، كان الرد إيه؟ أقولك ?قَالُوا ادْعُ لَنَا رَبَّكَ يُبَيِّنْ لَنَا مَا هِىَ? البقرة 68، سيدنا موسى عليه السلام وضح لهم نوعها من ناحية السن، فهل سكتوا؟! لأ ?قَالُوا ادْعُ لَنَا رَبَّكَ يُبَيِّنْ لَنَا مَا لَوْنُهَا? البقرة 69، قال لهم لونها، رجعوا تانى سألوا ?قَالُوا ادْعُ لَنَا رَبَّكَ يُبَيِّنْ لَنَا مَا هِىَ إِنَّ الْبَقَرَ تَشَابَهَ عَلَيْنَا? البقرة 70، ركز معايا ... فقاطعته قائلاً: أركز معاك فين؟ ماقصة البقرة معروفة عند الناس كلهم، أنا سالتك سؤال محدد، دخلت بى فى قصة سيدنا موسى عليه السلام وقومه. فقال: لو كنت مركز صح كنت على الأقل صبرت لما أكمل كلامى، فوضعت يدى على فمى إشارة بالسكوت. فضحك وقال: ياريت تفضل كده على طول. ثم أكمل كلامه: انت عارف إن بنى إسرائيل أكتر ناس على وجه الأرض يحبون الجدال واللف والدوران والكذب والرجوع بسرعة فى كلامهم، يعنى ناس من الأخر، سمعت عن ناس أشد منهم فى ذلك؟ فهززت رأسى يميناً ويساراً. لما سيدنا موسى عليه السلام طلب منهم ذبح البقرة، هم قالوا: أصبر لما نسأل ربنا نشوف الكلام ده من عنده أو لأ؟ فقلت فى سرعة: لأ، ماحصلش؛ هم قالوا: ادع لـ ... آآآه، علشان كده انت اتكلمت عن سيدنا موسى عليه السلام وقصة البقرة ... طيب كمل، فقال: بنى إسرائيل، وماأدراك مابنى إسرائيل، وقفوا عند تلك النقطة، واحنا يامسلمين فتحناها على البحرى، إذا تكلمت أمام واحد من إياهم بأنك توسلت بالنبى وأهل بيته لله، يرد عليك بأنك أشركت أو على الأقل كفرت، ويقول لك إذا سألت فاسأل الله، وإذا استعنت فاستعن بالله، طيب ياأخى؛ أنا بقى لى أيام وشهور مش حاقول سنين، قاعد أقول أنا عاوز وعاوز وعاوز وأنا كان عمرى صغير كنت بأطلب فيلا وعربية وزوجة جميلة وفلوس كتير، وكل ما أكبر فى العمر تقل طلباتى حتى وصلت إلى فلوس أسدد ديونى، أنا توصلت إلى أن التوسل بسيدنا النبى صلى الله عليه وسلم أسرع طريق إلى رضى الله. انت بتقول إن ده شرك! طيب علمنى إزاى أسأل الله فأُجاب وأستعين بالله فأُعان! عارف قول مش عارف! حط فى بقك صـ ... بلاش أحسن ... فقاطعته قائلاً: آه ... صحيح إزاى نسأل الله؟ وإزاى نستعين به؟ فقال: سيدنا رسول الله صلى الله عليه وسلم لما قال الحديث لم يقل إزاى نسأل ولكن أشار إلى إمتى تسأل، يعنى فيه وقت تسأل فيه يُجاب ... يبقى تصحح سؤالك إلى متى نسأل فنُجاب؟ سيدنا رسول الله صلى الله عليه وسلم قال فى حديثه (احفظ الله) مرتين، وكل مرة يختلف مفهومها بما يأتى بعدها، يعنى الكلام اللى بيجى بعدها هو اللى بيوضح المراد منها، يبقى الحفظ الأول مش هو الحفظ الثانى، فقلت له: وضح، أرجوك. فقال: الحفظ الأول شريعة، والحفظ الثانى حقيقة حفظ الشريعة هو حفظك لحقوق الله وأوامره ونواهيه؛ مش حفظ زى حفظك لأغنية! لأ. حفظك أن تطيع أوامره، وتجتنب نواهيه، ولا تتجاوز حدوده، وكل ده عرفناه من سيدنا رسول الله صلى الله عليه وسلم فقلت مقاطعاً: ماالأوامر والنواهى والحدود وغيرها ... موجود فى القرآن وعرفناها عن طريق القرآن ... ولم أكمل كلامى فقد قاطعنى فى غضب لم أراه عليه من قبل، فقال: هو القرآن ده نزل على أبوك؟ نزل على أهلك؟ دا لولاه ماكنتش اتخلقت يا ... استغفر الله العظيم ... روح ابعد عنى، فأسرعت قائلاً: والله ماقصدى ... أنا مستحيل أخطأ فى حق سيدنا رسول الله صلى الله عليه وسلم ده كلام كان فى دماغى وقلته علشان توضح لى، فسَكت فترة ثم قال: بص يا ... ربنا قال ?وَمَا آَتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانْتَهُوا? الحشر 17، الكلام ده معناه إيه؟ يعنى اللى يقوله سيدنا النبى صلى الله عليه وسلم ماشى على رقاب الكل ... يعنى تصريح واضح ... اللى قال سمعاً وطاعة وعمل بكلام سيد الأولين والأخرين يبقى حفظ الشريعة، خللى بالك ... عمل بكل اللى طلبه منه سيدنا رسول الله صلى الله عليه وسلم، روى عن سيدنا رسول الله صلى الله عليه وسلم أنه قال (من أطاعنى فقد أطاع الله، ومن أحبنى فقد أحب الله)، فقال بعض المنافقين: مايريد هذا الرجل إلا أن نتخذه رباً كما اتخذت النصارى عيسى، فنزلت الآية ?مَنْ يُطِعِ الرَّسُولَ فَقَدْ أَطَاعَ اللَّهَ وَمَنْ تَوَلَّى فَمَا أَرْسَلْنَاكَ عَلَيْهِمْ حَفِيظًا? النساء 80، فقاطعته قائلاً: إحنا بنطيع؛ مش الصلاة والصوم والفروض المطلوبة منا طاعة. فقال: انت جاى تتكلم عن جزء من الطاعة وتقول عليها هى دى الطاعة الكاملة ... روح نام ... أنا تعبت. ...... أحمد نور الدين عباس رابط الموضوعان على موقع المجلة:- < http://almagalla.info/2011/dec9.htm#2>
هجرته وسر صحبته